“İntəhası...”
İntəhasını yazıçı Mirmehdi Ağaoğlu deyəcək...
1.
Antonen Arto "söz fikri çatdırmaqdan çox onu gizlətməyə
xidmət edir” – deyir. İntəhası... biz çox vaxt yersiz danışıb özümüzü biabır etməklə məşğuluq.
2.
İnsan sahib
olduqlarının deyil, reallaşdırmaq istədiklərinin cəmidir. İntəhası... axırda nəyi
reallaşdıra blibsə elə ona da bərabər
olur.
3.
Dünya yalan dünyadır.
İntəhası...
düşünəndə ki, kainatda canlı həyatın olduğu yeganə yer də buradır, o qədər də
yalan olmadığını, hətta çox gerçək olduğunu anlayırsan.
4.
Küləyi dişləmək bihudə işdir. İntəhası... hamımız bu əzaba məhkumuq.
5.
Hər yer ədəbiyyatdır.
İntəhası...
dostlarımızın o cür işıqlı arzuları da yarım qaldı.
6.
Bu kino ki var, çox qəlizdir, həm qəlizdir, həm də
ki vacib. İntəhası... bu misalın timsalında
köhnəlikdən qurtulmayınca yeni bir şey ortaya qoya bilməyəcəyik.
7.
Bizdə teatr var. İntəhası... azad deyil.
8.
Eşşəklər qulaqları ilə əl çalır. İntəhası... yaxşı iş görmür.
9.
Bugün pazar...
Bugün, beni ilk defa
Güneşe çıkardılar... İntəhası... Nazimin o həyatsevərliyi bizdə yoxdur.
10.
Nağılların sonunda göydən üç alma
düşür. İntəhası... çox vaxt çürük
çıxır.