Xırdalanda yaşayış binasında yanğın olub: Zəhərlənənlər var
1229
29 may 2023 | 10:00
Abşeron rayonunun Xırdalan şəhərində səkkizmərtəbəli yaşayış binasının zirzəmisində yerləşən avtomobil dayanacağında quraşdırılan elektrik lövhəsində 2 ədəd sayğac və 5 metr kabel yanıb.
Fövqəladə Hallar Nazirliyinin məlumatına görə, yüksək temperaturdan yaxınlıqda dayanan “Hyundai” markalı minik avtomobilinin arxa faraları və buferi əriyib. Yanğın zamanı 2 nəfər tüstüdən zəhərlənib.
Avtomobilin qalan hissəsi və digər kommunikasiya xətləri yanğından mühafizə olunub.
Alov yanğından mühafizə bölmələri tərəfindən söndürülüb.
