“SABAH” qruplarına tələbə seçimi müsabiqəsinin imtahan mərhələsinin nəticələri üç günə bilinəcək
Dövlət İmtahan Mərkəzi (DİM) tərəfindən bu gün Bakıda SABAH qruplarına tələbə seçimi müsabiqəsinin test imtahanı mərhələsi keçirilib.
"Report" DİM-ə istinadən xəbər verir ki, imtahan saat 11:00-da başlanıb və 2 saat davam edib. İmtahanda 2397 tələbənin iştirakı gözlənilirdi. Nəticələrin yaxın 3 gün ərzində elan olunması nəzərdə tutulur. İmtahanın keçirilməsi üçün 10 bina, 176 zalı ayrılıb. İmtahanların idarəolunmasına 10 ümumi imtahan rəhbəri, 28 imtahan rəhbəri, 227 nəzarətçi-müəllim, 22 buraxılış rejimi əməkdaşı (mühafizə), 10 bina nümayəndəsi ayrılıb.