Konfrans Liqası: Türkiyə klubu bu gün "Gent"lə qarşılaşacaq
204
15 mart 2023 | 10:15
Bu gün UEFA Konfrans Liqasında 1/8 final mərhələsinin cavab matçlarına start veriləcək.
"Report"un məlumatına görə, ilk oyun günündə bir qarşılaşma baş tutacaq.
"Başakşehir" Türkiyədə Belçika "Gent"ini qəbul edəcək. İstanbul təmsilçisi ilk görüşdə 1:1 hesablı heç-heçəyə razılaşıb. Görüşü fransalı FIFA referisi Benua Bastyen idarə edəcək.
Gent şəhərinin eyniadlı təmsilçisi pley-offda "Qarabağ"ı mübarizədən kənarlaşdırıb.
UEFA Konfrans Liqası
1/8 final, cavab oyunları
15 mart
21:00. "Başakşehir" (Türkiyə) - "Gent" (Belçika)
Baş hakim: Benua Bastyen (Fransa)
İlk oyun - 1:1
İstanbul, "Başakşehir Fatih Terim" stadionu
Qeyd edək ki, bu raundun digər cavab oyunları martın 16-da keçiriləcək.
