İngilis dilinin inkişafı ilə bağlı layihə təqdim olunub

Elm və Təhsil Nazirliyinin Təhsildə inkişaf və innovasiyalar üzrə 6-cı qrant müsabiqəsi çərçivəsində qalib olan “İngilis dilinin tədrisində Duolingo platformasının dəstəyi” layihəsinin açılış mərasimi keçirilib. 18 oktyabr 2022-ci il tarixində  baş tutan tədbir Binəqədi rayonu Rəsulzadə qəsəbəsi 143 nömrəli tam orta məktəbdə keçirilib.
Təqdimatda Nazirliyin layihə eksperti Solmaz İsmayılova, 143 nömrəli tam orta məktəbin direktoru Elmar Həşimov, müəllimlər və valideynlər iştirak edib. 
Layihənin əsas məqsədi Duolingo platformasının köməyi ilə ingilis dilinin tədrisini daha əyləncəli, maraqlı formada təşkil edərək təhsilalanların bu fənn üzrə yeni bilik əldə etməsinə və dil öyrənmə bacarıqlarının inkişaf etdirilməsinə dəstək verməkdir.
Layihə çərçivəsində hazırlıq işləri aparılıb və idarəetmə komandası formalaşdırılıb. Daha sonra layihənin icrası ilə bağlı müvafiq əməkdaşlıqlar qurulub.
Layihə sentyabrın 15-dən mayın 15-dək davam edəcək.