Bağçalara tərbiyəçi-müəllimlərin işə qəbulu ELAN OLUNDU

Tərbiyəçi-müəllim vəzifəsi üzrə məktəbəqədər təhsil müəssisələrinə faktiki yaşayış yeri üzrə reytinqə uyğun namizəd olmadığına görə vakansiya seçiminə başlanılır.

Bu barədə Kaspi.az-a Elm və Təhsil Nazirliyindən məlumat verilib.

Bildirilib ki, vakansiya seçimində məktəbəqədər təhsil müəssisələrinə tərbiyəçi-müəllimlərin işə qəbulu üzrə müsabiqənin həm test, həm də müsahibə mərhələsində uğur qazanan namizədlər iştirak edə bilərlər.

Vakansiya seçimində iştirak etmək istəyən şəxslər linkə daxil olaraq müvafiq xanaları doldurduqdan sonra 1 vakant yer seçimi edə bilərlər.

Qeyd edək ki, vakansiya seçimi 6 yanvar saat 18:00-dək davam edəcək.