Samir BƏƏ-yə gedib və yoxa çıxıb
Belçikanın
"Anderlext” klubu fransız futbolçusu Samir Nəsri ilə heç cür əlaqə saxlaya
bilmir.
Kaspi.az
xəbər verir ki, koronavirusa görə Belçika çempionatında fasilə elan edilib.
Klub rəhbərliyi futbolçulara tapşırıb ki, mütəmadi olaraq əlaqə saxlasınlar və
gündəlik məşqlər barədə məlumat versinlər.
Bu
tapşırığa hamı əməl edir, təkcə Nəsridən başqa. Nəsri Birləşmiş Ərəb Əmirliklərinə
getdikdən sonra onunla əlaqə yoxdur. Futbolçu sosial şəbəkə hesablarını da
bağlayıb. O, "insataqram”da sonuncu dəfə aprelin 1-də görünüb.
"Anderlext”
bu intizamsızlığına görə Nəsri ilə müqaviləni birtərəfli qaydada pozmağı
planlaşdırır. Samir Belçika klubuna 2019-cu ilin yayında keçib.