Azarkeşlər bayram edirlər
Ernesto
Valverdenin "Barselona”dan istefaya göndərilməsi fanatları məmnun edib.
Kaspi.az xəbər
verir ki, klub saytı Valverdenin istefaya göndərilməsini elan etdikdən sonra
fanatlar bu qərarı sevinclə qarşılayıblar. Müxtəlif fanat qrupları barlarda
Valverdenin istefaya göndərilməsini qeyd ediblər.
Fanatlar pivə içərək
çılğıncasına sevinib, rəqs edib, mahnı oxuyub, şüarlar səsləndiriblər.
"Barselona” Valverdenin rəhbərliyi altında 163 oyun keçirib. Komanda 108 oyunda
(66 faiz) qalib gəlib, 35 oyunda heç-heçə (22 faiz) edib, 20 oyunda (12 faiz)
isə məğlub olub.