Son oyununa Bakıda çıxan məşhur futbolçu xokkeyçi oldu
Məşhur çexiyalı
qapıçı Peter Çex yenidən idmana qayıdır.
Kaspi.az xəbər
verir ki, "Arsenal”ın və "Çelsi”nin sabiq qapıçısı bu dəfə bacarığını xokkeydə
göstərəcək. O, İngiltərənin 4-cü divizionunda çıxış edən "Qilford Feniks”lə
müqavilə bağlayıb. Çex bu komandanın qapısını qoruyacaq. Çex məsələyə belə
münasibət bildirib:
"Feniks”də
oynayacağıma görə çox şadam. Ümid edirəm ki, bu gənc komandaya köməyim dəyəcək.
20 illik futbolçu karyerasından sonra özümü xokkeydə də sınamaq maraqlı
olacaq”.
Peter Çexin
futbolda sonuncu oyunu Bakıda olub. O, Avropa Liqasının finalında "arsenal”ın
heyətində "Çelsi”yə qarşı oynayıb və komandası məğlub olub – 1:4.