“Bu komandada oynamaq istəməyən özünü həkimə göstərməlidir”
"Liverpul”un
sabiq qapıçısı Bryus Qrobbelar komandanın gücü barədə danışıb.
Kaspi.az xəbər
verir ki, Bryus bildirib ki, istənilən futbolçu bu "Liverpul”da oynamağı
arzulamalıdır. O, Kilian Mbappenin "Liverpul”a keçə biləcəyi ilə bağlı yayılan
məlumata da münasibət bildirib:
"Mbappe "Enfild”ə
gəlsə, ilk növbədə özünün sübut etməli olacaq. Vəziyyətin necə olacağı barədə dəqiq
fikir bildirmək olmaz. Bu, Kloppdan da asılıdır. Ola bilsin ki, yeni mövsümdə təzə
nəsə ortaya qoysun.
İndi istənilən
futbolçu "Liverpul”da oynamağa can atır. Ona görə ki, biz çempionuq. Bura gələn
futbolçu dərhal əsas heyətdə yer tələbə edə bilməz.
Həmin futbolçu
ilk növbədə oyun keyfiyyətini bir qədər də artırmalıdır. Bu komandada oynamaq istəməyən futbolçu isə
özünü həkimə göstərməlidir”.