“Belə təəssürat yaranır ki, qəsdən qol buraxırıq”
"Arsenal”ın
hücumçusu Pyer-Emerik Obameyanq "Uotford”la qarşılaşmadan (2:2) sonra fikirlərini
bildirib.
Kaspi.az xəbər verir ki, Obameyanq 2:0 öndə olduqları
qarşılaşmada qələbəni necə əldən verdiklərinə izah tapa bilmədiyini deyib. O,
buraxılan qollara görə utanmalı olduqlarını da vurğulayıb:
"Aydındır ki,
"Uotford”un belə dönüş edəcəyini gözləmirdik. Baxmayaraq ki, başa düşürdük ki,
rəqib oyuna qayıtmaq istəyir.
Onlar tempi
qaldırdılar və biz buna tab gətirməyi bacarmadıq. Belə təəssürat yaranır ki, qəsdən
qol buraxırıq.
Kimisə
günahlandırmaq niyyətində deyiləm. Kimsə deyə bilər ki, 3-cü qolu vurub,
qarşılaşmanın taleyini həll etməli idik. Ona görə də heç kimi günahlandıra bilmərəm.
Ancaq onu deyə bilərəm ki, belə qollar buraxdığımız üçün utanmalıyıq”.