UEFA nümayəndəsi: Bu il Bakıda növbəti futbol bayramı yaşanacaq

UEFA nümayəndəsi: Bu il Bakıda növbəti futbol bayramı yaşanacaq

İdman
28 Yanvar 2020, 12:07 1200
Bakı gözəl şəhərdir. Ötən il bu gözəl şəhərdə UEFA Avropa Liqasının final oyunu yüksək səviyyədə təşkil olundu. 2020-ci ildə Bakıda növbəti futbol bayramı yaşanacaq. Əsrarəngiz paytaxtınız "Avro-2020”nin dörd oyununa ev sahibliyi edəcək.
 
AZƏRTAC xəbər verir ki, bu sözləri UEFA-nın milli assosiasiyaların inkişafı departamentinin rəisi Terri Favre AFFA-nın yanvarın 28-də təşkil olunan konfransındakı çıxışında deyib.
 
UEFA-nın nümayəndəsi yerli azarkeşlərin Avropa çempionatının Bakıda keçiriləcək oyunlarından əsasən Türkiyə millisinin görüşlərinə daha böyük maraq göstərəcəklərini vurğulayıb. Ölkəmizdə futbolun kütləviliyinin artırılması istiqamətində görülən işləri yüksək qiymətləndirən qonaq AFFA-ya fəaliyyətində uğurlar arzulayıb.