AZƏRBAYCANDA KORONAVIRUSLA BAĞLI XƏBƏRLƏR

Günay Məmmədzadə çinli Venjun Ju ilə mübarizə aparacaq

Günay Məmmədzadə çinli Venjun Ju ilə mübarizə aparacaq

İdman
08 İyul 2020, 11:30 299
Bu gün Beynəlxalq Şahmat Federasiyasının (FIDE) təşkilatçılığı ilə sürətli şahmat üzrə onlayn formatda "Women's Speed Chess Championship” yarışı çərçivəsində Qran-Pri turnirinin üçüncü mərhələsi start götürəcək. Turnirdə ümumilikdə, 16 şahmatçı mübarizə aparacaq.
AZƏRTAC xəbər verir ki, yarışda Azərbaycan şahmatçısı Günay Məmmədzadə də iştirak edəcək. Səkkizdəbir finalda şahmatçımızın rəqibi dünyanın ən güclü qadın şahmatçılarından biri, çinli Venjun Ju olacaq.
G.Məmmədzadə bundan əvvəl Qran-Prinin birinci və ikinci mərhələlərində mübarizə aparsa da, çıxışı uğurlu alınmayıb.
Səkkizdəbir finalın digər görüşlərinə gəldikdə, Rusiya şahmatçıları Aleksandra Kostenyuk həmyerlisi Olqa Qirya, Yekaterina Laqno Bibisara Asyabayeva (Qazaxıstan) ilə oynayacaqlar. Hindistan şahmatçıları Humpi Koneru Vayşali Rameşbabu, çinli Hou Yifan Turmunx Munxzul (Monqolustan), Anna Uşenina (Ukrayna), Deysi Kori (Peru), Harika Dronavali (Hindistan) Tatev Abrahamyan (ABŞ), Sarasadat Hademalşarieh (İran) İrina Kruş (ABŞ) ilə mübarizə aparacaqlar.
Qran-Pri 4 mərhələ üzrə keçiriləcək. Mərhələ yarışlarında ən çox xal toplayan şahmatçılar superfinala vəsiqə qazanacaqlar. Superfinal iyulun 20-də - Ümumdünya Şahmat Günündə baş tutacaq.