AZƏRBAYCANDA KORONAVIRUSLA BAĞLI XƏBƏRLƏR

“Azarkeşlərimiz belə şeylərə inanacaq qədər axmaq deyillər”

“Azarkeşlərimiz belə şeylərə inanacaq qədər axmaq deyillər”

İdman
03 Mart 2020, 13:08 556
Koronavirusa görə İngiltərə Premyer Liqasının vaxtından əvvəl dayandırıla biləcəyi ilə bağlı məlumat yayılıb. 
 
Kaspi.az xəbər verir ki, İngiltərə mətbuatının yaydığı məlumata görə, epidemiya sürətlə yayılacağı təqdirdə, İngiltərə Premyer Liqasının qalan oyunları keçirilməyə bilər. Belə olacağı təqdirdə, mükafatlandırma da olmayacaq. "Liverpul”un baş məşqçisi Yurgen Klopp bu xəbərə münasibət bildirib: 
 
"Bizim azarkeşlər axmaq deyillər. Onlarla tez-tez söhbət edirəm. Azarkeşlərimizin bu barədə düşündüklərini belə təsəvvür etmirəm. 
 
Yaxşı deyək ki, qalan oyunları keçirmədilər. Onda mənə kim deyə bilər ki, gələn mövsüm Çempionlar Liqasında hansı komandalar oynayacaq? 
 
Yaxşı hekayədir. Təbii ki, bəzi qəzetlər həmişə belə şeylər uydurular. İlk dəfə bu haqda oxuyanda özümə belə sual verdim: "Yəni doğrudan kimsə bu haqda düşünür?” "Liverpul” azarkeşləri belə şeylərə inanacaq qədər axmaq deyillər”.