91 idmançıya naməlum içki veriblər
2012-ci
ildə Londonda keçirilən olimpiadadan öncə
91 ingilis idmançı eksperimental maddə qəbul edib.
Kaspi.az
xəbər verir ki, idmançılar "DeltaG” adlı enerji içkisini rəsmi qurumların
tövsiyəsi əsasında qəbul ediblər. Üstündən xeyli müddət keçəndən sonra məlum
olub ki, idmançılar bu içkinin yan təsirlərinin olmayacağı və antidopinq qaydalarının pozulmasına gətirməyəcəyi
ilə bağlı təminat almayıblr. Üstəlik, onlar dövlət agentliyi olan UK Sport-un
potensial pozuntulara və ya yan təsirlərə görə məsuliyyət daşımayacağına
razılaşıblar.
"Daily
Mail” nəşrinin araşdırması nəticəsində məlum olub ki, bu maddədən istifadə edən
idmançıların 40% -i yan təsirlərə məruz qalıb. Bu səbəbdən 28 nəfər bundan
istifadə etməyi dayandırıb və daha 24
idmançı bu maddənin onlar üçün faydalı olmadığına əmin olduqları üçün ondan
imtina ediblər.
UK
Sport, bu məhsulu istifadə etməzdən əvvəl idmançıların sağlamlığı üçün təhlükə
yaranamamsı üçün WADA və İngiltərə Antidopinq Agentliyi ilə məsləhətləşdiyini bildirib.