Yeməkdən sonra gəzinti sağlamlığa müsbət təsir göstərir

Yeməkdən sonra gəzinti qan şəkərinin səviyyəsini aşağı salmağa kömək edir, sağlamlığa müsbət təsir göstərir.

Kaspi.az Səhiyyə Nazirliyinin feysbuk səhifəsinə istinadla bildirir ki, gəzinti zamanı qarın əzələləri hərəkət edir. Bu səbəbdən tənəffüs bir qədər dərinləşir, çəpər əzələlərinin yuxarı və aşağı hərəkətləri güclənir, qarın divarı əzələlərinin mədə-bağırsaq traktına “masaj təsiri” həzm orqanlarının qan dövranını gücləndirir. Mədə-bağırsaq hərəkətliliyini artırır və həzmi yaxşılaşdırır. Ancaq yeməkdən dərhal sonra edilən gəzinti faydadan çox zərər verə bilər.