Qarğıdalı saçaqlarının müalicəvi əhəmiyyəti

Qarğıdalı qiymətli qida məhsuludur. Onun faydası və ziyanı qədim dövrlərdən məlumdur. Ən əsası isə dənələrində, saçağında, yarpaqlarında kifayət qədər faydalı maddə var. Onun meyvəsi ilə yanaşı saçaqları da sağlamlıq üçün çox faydalıdır. Qurudulmuş qarğıdalı saçağından hər kəs istifadə edə bilər.

AZƏRTAC xəbər verir ki, fitoterapevt Ülviyyə Əhmədova deyib: “Qarğıdalı saçaqlarının dəmlənməsi qanda şəkərin səviyyəsini tənzimləməyə kömək edir. Ona görə də şəkərli diabetdən əziyyət çəkənlər ondan istifadə edə bilərlər. Saçaqlar həm də iştahanı azaltmaq qabiliyyətinə malikdir. Ona görə də diyetoloqlar onu arıqlamağa səbəb olan menyulara əlavə edirlər. Əsasən böyrək iltihabı, piylənmə, vərəm, yuxu pozuntusu, stres və gərginlik zamanı faydalıdır”.

Qarğıdalı saçaqlarından çox faydalı müalicəvi və profilaktik çay hazırlanıb içilir.