çərşənbə, 05 Oktyabr, 19:20

Baku Bakı 23°C

Gün ərzində 3-4 dəfə göz gimnastikası etmək faydalıdır

icon 134 icon 16 avqust 2022 | 09:15 Gün ərzində 3-4 dəfə göz gimnastikası etmək faydalıdır

Yaxşı görmək hər kəsin arzusudur. Gözlər üçün gimnastika adlanan bəzi məşq hərəkətləri var ki, onların köməyi ilə gözlərin yorğunluğunun aradan qaldırılmasına nail olmaq olar. Bu məşqləri nəinki evdə, hətta iş yerində də etmək mümkündür.

Kaspi.az Səhiyyə Nazirliyinin rəsmi feysbuk səhifəsinə istinadla bildirir ki, göz gimnastikası göz və ətrafının müəyyən hərəkətləri təkrar etməsi prosesidir. Bu məşqləri edərkən gözün ətrafındakı əzələlər, göz qapaqları hərəkət edir. Hər gözdə 6 ədəd əzələ var. Gimnastika zamanı cəmi 12 əzələdən istifadə olunur. Məşqlər gözdəki toxumaların qanla qidalanmasını təmin edir. Bu səbəbdən əzələlər möhkəmlənir və daha sağlam olur.

Günün müxtəlif saatlarında bu gimnastikanı etmək olar. Xüsusilə səhər qalxdıqda göz hərəkətləri etmək daha məqsədəuyğundur.

Gözü soldan sağa, yuxarı-aşağı hərəkət etdirmək, ya da çevrə yaradacaq şəkildə qaytarmaq göz gimnastikası hərəkətləridir. Bu hərəkətlər, eyni zamanda, gözdəki toxumaların yaxşı qidalanmasını təmin edir. Göz gimnastikası yaxını görmə problemlərində və ümumiyyətlə görmə keyfiyyətinin artmasında köməkçi olur.

Gün ərzində 3-4 dəfə bu hərəkətləri etmək göz üçün faydalıdır.