“Siti” rəsmilərinə Ukrayna pasportu verildi
"Mançester Siti” ilə "Şaxtyor” Çempionlar Liqasında növbəti dəfə eyni
qrupda mübarizə aparırlar.
Kaspi.az xəbər verir ki, artıq bu komandalar ilk turda üz-üzə
gəliblər. Xarkovda keçirilən oyundan əvvəl "Şaxtyor” rəsmiləri "Siti”nin rəhbər
şəxslərinə Ukraynanın simvolik pasportunu təqdim ediblər.
"Şaxtyor”un baş direktoru Sergey Palkin "facebook”da belə yazıb:
"Siti” artıq 3-cü dəfədir ki, Xarkova gəlir. Onlar burda özlərini evdəki kimi
hiss edirlər. Bu amili nəzərə alaraq onlara Ukrayna pasportu təqdim etdik”.
Qarşılaşma "Siti”nin 3:0 hesablı qələbəsi ilə yekunlaşıb.