Onu havayı transfer etmək istəyirlər
"Çelsi”nin
hücumçusu Olive Jiru hələ də "İnter”in maraq dairəsindədir.
Kaspi.az
xəbər verir ki, "İnter” 33 yaşlı futbolçunu hələ yanvarda almaq niyyətində idi.
Amma indi onu yayda, özü də havayı əldə etməyi planlaşdırırlar.
Jiru
mövsümün sonunda azad agent statusunda olacaq. O, "İnter”də oynamaq üçün hətta
məvacibinin də azaldılmasına razıdır. Amma o, bunun üçün 3 illik müqavilə tələb
edir.
Hazırda
Jirunun illik məvacibi 8 milyon avrodur. "İnter” futbolçuya 2+1 illik müqavilə
təklif etməyi planlaşdırır. Onun illik məvacibi isə 6,5 milyon avro olacaq.