Bakı 17°C
Ən azı 7 futbolçu “Valensiya” ilə oyunu satıb
İspaniya
futbolunda oyun alqı-satqısı ilə bağlı qalmaqal yaşanır.
Kaspi.az xəbər
verir ki, "Valyadolid”in ən azı 7 futbolçusu La Liqanın 38-ci turunda
"Valensiya” ilə keçirilən qarşılaşmada qəsdən uduzmaqda ittiham olunur. İttiham
olunanlar arasında karyerasını davam etdirənlərlə yanaşı, sabiq futbolçular da
var.
Danışıqların təşkilatçısının
"Real”ın sabiq futbolçusu Raul Bravo olduğu bildirilir. Şərtə görə,
"Valyadolid”in futbolçuları "Valensiya” ilə qarşılaşmada rəqibin hər iki hissədə
qələbəsini təmin etməliymişlər.
Buna görə,
futbolçular bukmeker kontorlarına pul yatırıblar. Tələb yerinə yetirilib.
"Valensiya” 2:0 hesabı ilə qalib gələrək, çempionatda 4-cü yeri tutub və ÇL-ə vəsiqə
qazanıb.
Bu plan "Valyadolid”in
kapitanı Borxo Fernandes tərəfindən razılaşdırılıb. O, buna görə 50 min dollar
alıb. Fernandes "Valyadolid”də son mövsümünü keçirib və çempionat
yekunlaşdıqdan sonra komandanı tərk edib.
Klub rəsmilərinin
razılaşmada iştirak etmədiyi bildirilir.
