Bir şeyi ürəkdən istəyəndə, o, mütləq olur
– "Fidan Hacıyeva musiqi
məktəbi”ni açmaq fikriniz necə yarandı?
– Bilirsiniz ki, uzun illərdir müxtəlif ölkələrdə çıxışlar edirəm. Müşahidə edib görürdüm ki, getdiyim ölkələrin bir çoxunda opera müğənnilərinin öz dəsti-xətti, öz məktəbləri var. İtaliyada dünya şöhrətli mezzo-soprano, İtaliyanın tanınmış opera müğənnisi Bruna Buglioninin sinfində təhsil almışam. Orada onun adını daşıyan, özünün rəhbərlik etdiyi musiqi məktəbi var. Gördüm ki, o, öz biliyini şagirdlərinə – musiqi istedadı olan insanlara necə öyrədir. Digər ölkələrdə də məşhur müğənnilərinin biliklərini gənclərə necə öyrətdiklərinin şahidi oldum. Düşündüm ki, niyə bizim ölkəmizdə belə bir məktəb olmasın. Sənətdə böyük təcrübəm var, uzun illərdir Opera və Balet Teatrının solistiyəm, həm Azərbaycanda, həm İtaliyada, həm də Rusiyada təhsil almışam. Belə qərara gəldim ki, vokal sənətinə bildiklərimi musiqisevərlərlə paylaşım. "Fidan Hacıyeva musiqi məktəbi” belə yarandı. Bu məktəb Azərbaycanda ilk özəl musiqi məktəbidir. Mədəniyyət və Təhsil Nazirliklərinə, mənə dəstək olduqlarına görə minnətdarlığımı bildirirəm. Təhsil ocağımız həm məktəb, həm də kurs kimi fəaliyyət göstərir. Məktəbdə təhsil müddəti yeddi ildir. Kurslarda isə yaş məhdudiyyəti yoxdur. Ən kiçik şagirdimiz dörd yaş yarımlıqdır. Oğlumun yeddi yaşı var, o da məktəbimizin şagirdidir. Bir tələbəmiz var, 67 yaşı var, xarici ölkə vətəndaşdır. O da kurslarımıza gəlir, çox istedadlı bir adamdır. Hətta Dövlət Filarmoniyasında və Mahnı Teatrında verdiyimiz konsertlərdə tələbələrimiz də iştirak etmişdilər. Biz həm öyrədirik, həm də təşkil etdiyimiz konsertlərdə tələbələrimizin iştirak etməsinə şərait yaradırıq ki, onlar da istedadlarını nümayiş etdirə bilsinlər. Keçən ay Mahnı Teatrında konsertimiz oldu. Tələbələrimlə həm duet oxuyuruq, həm də solo çıxışlarımız olur. Üzeyir Hacıbəyov, Cahangir Cahangirov, Fikrət Əmirov, Tofiq Quliyev kimi görkəmli bəstəkarlarımızın eləcə də dünya bəstəkarlarının əsərlərini, antik ariyalar daxil olmaqla, Fransa, İtaliya, İspaniya və Rusiyanın ən tanınmış bəstəkarlarının əsərlərini də ifa edirik. Bütün bunlar, klassik musiqinin ölkəmizdə geniş bir şəkildə təbliğinə imkan verir. Tələbələrim müxtəlif müsabiqələrdə iştirak edirlər. Bu yaxınlarda tələbəmiz Nigar Rəhimova Rusiyada birinci yeri tutdu, Azərbaycan bayrağını qaldırdı. Bu isə məktəbimizin böyük uğurudur.
Söhbətləşdi: İntizar İsmayıl
– Bilirsiniz ki, uzun illərdir müxtəlif ölkələrdə çıxışlar edirəm. Müşahidə edib görürdüm ki, getdiyim ölkələrin bir çoxunda opera müğənnilərinin öz dəsti-xətti, öz məktəbləri var. İtaliyada dünya şöhrətli mezzo-soprano, İtaliyanın tanınmış opera müğənnisi Bruna Buglioninin sinfində təhsil almışam. Orada onun adını daşıyan, özünün rəhbərlik etdiyi musiqi məktəbi var. Gördüm ki, o, öz biliyini şagirdlərinə – musiqi istedadı olan insanlara necə öyrədir. Digər ölkələrdə də məşhur müğənnilərinin biliklərini gənclərə necə öyrətdiklərinin şahidi oldum. Düşündüm ki, niyə bizim ölkəmizdə belə bir məktəb olmasın. Sənətdə böyük təcrübəm var, uzun illərdir Opera və Balet Teatrının solistiyəm, həm Azərbaycanda, həm İtaliyada, həm də Rusiyada təhsil almışam. Belə qərara gəldim ki, vokal sənətinə bildiklərimi musiqisevərlərlə paylaşım. "Fidan Hacıyeva musiqi məktəbi” belə yarandı. Bu məktəb Azərbaycanda ilk özəl musiqi məktəbidir. Mədəniyyət və Təhsil Nazirliklərinə, mənə dəstək olduqlarına görə minnətdarlığımı bildirirəm. Təhsil ocağımız həm məktəb, həm də kurs kimi fəaliyyət göstərir. Məktəbdə təhsil müddəti yeddi ildir. Kurslarda isə yaş məhdudiyyəti yoxdur. Ən kiçik şagirdimiz dörd yaş yarımlıqdır. Oğlumun yeddi yaşı var, o da məktəbimizin şagirdidir. Bir tələbəmiz var, 67 yaşı var, xarici ölkə vətəndaşdır. O da kurslarımıza gəlir, çox istedadlı bir adamdır. Hətta Dövlət Filarmoniyasında və Mahnı Teatrında verdiyimiz konsertlərdə tələbələrimiz də iştirak etmişdilər. Biz həm öyrədirik, həm də təşkil etdiyimiz konsertlərdə tələbələrimizin iştirak etməsinə şərait yaradırıq ki, onlar da istedadlarını nümayiş etdirə bilsinlər. Keçən ay Mahnı Teatrında konsertimiz oldu. Tələbələrimlə həm duet oxuyuruq, həm də solo çıxışlarımız olur. Üzeyir Hacıbəyov, Cahangir Cahangirov, Fikrət Əmirov, Tofiq Quliyev kimi görkəmli bəstəkarlarımızın eləcə də dünya bəstəkarlarının əsərlərini, antik ariyalar daxil olmaqla, Fransa, İtaliya, İspaniya və Rusiyanın ən tanınmış bəstəkarlarının əsərlərini də ifa edirik. Bütün bunlar, klassik musiqinin ölkəmizdə geniş bir şəkildə təbliğinə imkan verir. Tələbələrim müxtəlif müsabiqələrdə iştirak edirlər. Bu yaxınlarda tələbəmiz Nigar Rəhimova Rusiyada birinci yeri tutdu, Azərbaycan bayrağını qaldırdı. Bu isə məktəbimizin böyük uğurudur.
– Əslində siz fortepiano üzrə
təhsil alıbsınız. Azərbaycan tamaşaçısı isə sizi müğənni kimi tanıyır. Müğənni
olmağınızın da maraqlı tarixçəsi var. Bunu sizdən eşitmək istərdik.
– Musiqi ilə beş yaşından məşğul oluram. Bülbül adına orta ixtisas
musiqi məktəbinin fortepiano şöbəsini bitirmişəm. Buna baxmayaraq, oxumağa hər
zaman meylli olmuşam. Məktəbdə bizə "Musiqi ədəbiyyatı” fənni keçirilirdi. Bu
dərsdə biz məşhur müğənnilərin səsini dinləyirdik. Orada məni valeh edən
Firəngiz Əhmədovanın səsi oldu. Onu yamsılamağa başladım. Tələbə yoldaşlarım
dedilər ki, sənin opera səsin var. Bundan sonra bir qədər səsimin üzərində
işlədim. Başa düşdüm ki, mənim həm səsim, həm də bu sənətə böyük sevgim var.
Konservatoriyaya qəbul olunarkən həm vokalı, həm də fortepianonu seçdim.
Sevimli müəllimim, professor Hüseyn Əliyevin sinfində təhsil aldım. On yeddi
yaşında Türkiyədə "Leyla Gəncər” adına müsabiqədə iştirak etdim və diplom alan
ən gənc laureat oldum.
– Çox gənc, on doqquz yaşında Opera və Balet Teatrının solisti oldunuz.
Bir çox operalar da rol alıbsınız ancaq "Karmen ” operasının sizə daha çox uğur
gətirdiyini deyirsiniz...
– Milad bayramı ilə bağlı BP şirkəti konsert təşkil etmişdi. Bəstəkar
Tofiq Quliyevin qızı Lalə xanım məni də həmin konsertə dəvət edib demişdi ki,
Karmenin ariyasını ifa edərsən. Mən də həmin konsertdə Lalə xanımın dediyi kimi
etdim. O dövrdə operanın gənc solisti idim, özümü bir anlıq nağılda hiss etdim.
O gecə fərqli görünürdüm. Gözəl, uzun, mirvarili, muncuqlu bir paltar
geyinmişdim. Çıxışımdan sonra yaraşıqlı, göygöz, centlmen bir oğlan mənə
yaxınlaşdı, dedi ki, nə gözəl ifa etdiniz. Bu, mənim indiki həyat yoldaşım
Filipp idi. Bu da bir qismət idi. Məktəb illərini xatırlayıram, ingilis
dilindən üç il özəl dərslərə getmişdim. Evdə mənə deyirdilər ki, ingilis dili
ilə niyə bu qədər çox məşğul olursan, sən onsuz da musiqi sahəsinə gedəcəksən,
bu dil sənə lazım olmayacaq. Ancaq mən nədənsə istəyirdim ki, bu dili öyrənim.
Deyirdim ki, bəlkə, nə vaxtsa gərəyim oldu. İngilis dilini o qədər çox sevirdim
ki, səthi öyrənmirdim, dərindən məşğul olurdum və qismətə baxın ki, bu dil mənə
o gecə, Milad bayramı günü çox lazım oldu. Həyat yoldaşım o zaman Azərbaycana
yeni gəlmişdi. Mənimlə söhbətdən sonra dedi ki, siz ingilis dilində nə gözəl
danışır və oxuyursunuz. O, klassik musiqini çox sevir. Biz onunla belə tanış
olduq, harada işləməyimlə maraqlandı. Dedim ki, Opera və Balet Teatrında
çalışıram. O zaman teatrda "Arşın mal alan” operettası oynanılırdı. Dedi,
tamaşaya gələ bilərəm? Dedim, buyurun, gəlin. Dostu ilə bərabər bilet alıb
tamaşaya gəldilər, baxdılar və tamaşadan sonra mənə bir məktub göndərdi. "Arşın
mal alan”da həm danışır, həm də oxuyuruq. O da mən nə danışmışdımsa, bütün
librettonu dostunun köməkliyi ilə ingilis dilinə tərcümə etmişdi. Onun bu
hərəkəti mənim çox xoşuma gəldi, düşündüm ki, o, mənimlə maraqlanır, sənətimi
sevir. Beləcə, biz tanış olduq. Sonra anası elçi gəldi. Ondan sonra yoldaşım
mənim ifa etdiyim əsərləri tərcümə etməyə başladı. O, mənə o gündən bu günə
kimi sənət həyatımda dəstək olur. Buna görə ona çox minnətdaram.
– "Hər dəfə "Karmen”i oynayanda özümü dünyanın ən xoşbəxt insanı sayıram”
deyirsiniz.
– Karmenin xasiyyətini, enerjisini, temperamentini çox bəyənirəm.
Deyirlər ki, hər bir müğənniyə bir əsəri uğur gətirir. Mənə də "Karmen” uğur
gətirdi. Hara getsəm, mənə "Karmen” deyir, məni "Karmen” kimi tanıyırlar. Hətta
Türkiyədə belə məni "Karmen” deyə çağırırdılar. Hər dəfə onu fərqli ifa edirəm,
təkrarçılığa yol vermirəm. Çoxlu rejissorlarla işləmişəm, ”Karmen”i dünyanın
böyük teatrlarında ifa etmişəm.
– 2002-ci ildə İtaliyada
Kidjiano Akademiyasında keçirilən Beynəlxalq müsabiqədə iştirak edibsiniz və
müsabiqənin qalibi olubsunuz. O günü necə xatırlayırsınız?
– Kidjiano Akademiyası çox
maraqlı bir akademiyadır. Akademiyanın həyətində bir su quyusu vardı, bütün
turistlər ora pul atırdılar ki, arzuları həyata keçsin. Əslində, mən belə
şeylərə çox bağlı birisi deyiləm. Ancaq mən də bir dəfə ora pul atdım və
arzuladım ki, bal ayını bu ölkədə keçirim. İnanırsınız, elə də oldu. Bal ayında
mən yenidən İtaliyaya getdim. Sonra arzuladım ki, birinci övladım qız olsun və
atasına bənzəsin, bu arzum da həyata keçdi. Bunların hamısı təbii ki,
qismətdir. Ancaq onu bilirəm ki, Allahdan hər hansı bir şeyi ürəkdən istəyəndə,
o, mütləq olur. Təbii ki, həyatda çətin günlərim, anlarım da olub. Ancaq həyat
mübarizədir, sınaqdır. O sınaqlardan da alnıaçıq çıxmışam. Həyatımın hər anına
şükür etmişəm. Kidjiana Akademiyası mənə böyük uğur gətirdi, konsertlər verdim.
Bruna Buglioninin sinfində üç il təhsil almışam. Çox böyük bir məktəb keçdim və
o böyük məktəbdən sonra öz məktəbimi açdım. İndi öz tələbələrimə vokal
sənətinin sirlərini öyrədirəm. Mən İtaliyada da qala bilərdim. Orada mənə iş də
təklif etdilər. Ancaq istəyirdim ki, məhz vətənimə qulluq edim, öz tələbələrimi
yetişdirim. Hər insan gərək öz sahəsində özünü tapsın və onu inkişaf etdirsin.
Mənim də missiyam mədəniyyətimizi, klassik musiqimizi inkişaf etdirməkdir. Mən
bu missiyanı həyata keçirirəm.
– Azərbaycanı xaricdə təmsil edən müğənnilərimizdən birisiniz. Azərbaycan
musiqisi dünya tamaşaçıları tərəfindən necə qarşılanır?
– Bu ilin may ayında Azərbaycan Cümhuriyyətinin yüz illiyi ilə
əlaqədar dörd konsert verdim. İlk konsertim filarmoniyada oldu. Böyük
bəstəkarımız Ədilə Hüseynzadənin əsərlərini ifa etdim. O, Azərbaycanın ilk
qadın bəstəkarı, Üzeyir Hacıbəyovun tələbəsi olub. Hazırda təəssüf ki, Ədilə
xanımın əsərləri unudulub. Ancaq mən onun ailəsindən on altı əsərini xahiş edib
aldım. Aylarla bu əsərlər üzərində işlədim və filarmoniyada onları ifa etdim.
Ədilə Hüseynzadənin romansları Nazim Hikmət, Nigar Rəfibəyli, Rəsul Rzanın
sözlərinə yazılmış çox dərin mənalı əsərlərdir. Sonra eyni repertuarla Londonda
konsert verdim. O, konsertdən gözləmədiyim uğuru qazandım. Çünki tanınmayan,
ancaq çox zəngin musiqisi olan əsərlər ifa etdim. Hər bir əsər sanki böyük bir
operadır. Sonra İsveçrədə və Gürcüstanda konsertlər verdim. O konsertlərdə
Üzeyir Hacıbəyovun, Tofiq Quliyevin əsərlərini ifa etdim. Təbii ki, çox gözəl
də qarşılandım. Bunların hamısı Azərbaycan musiqisinin böyük təbliğatıdır.
Azərbaycan musiqisi çox zəngindir.– Qastrol səfərlərinizdən yadınızda qalan, unutmadığınız bir xatirə
varmı?
Türkiyənin Antalya şəhərində, açıq havada, on beş min nəfərlik antik
bir teatrda tamaşam oldu, "Karmen”i ifa etdim. Özümü bir anlıq İspaniyada hiss
etdim. Tamaşa gecə 10-da başladı, saat 1-də bitdi. Ogünkü küləyi heç vaxt
unutmuram, orkestrin notları uçurdu. – Fidan xanım, deyəsən, hərbi
rütbəniz də var.
– Bəli, mən artıq uzun illərdir Daxili İşlər Nazirliyinin hərbi
orkestrinin dirijoru və solistiyəm. Orkestrin rəis müaviniyəm, baş leytenant
rütbəsini daşıyıram. Müxtəlif tədbirlərdə iştirak edirik, əsgərlərimiz üçün
oxuyuram, çoxlu sayda vətənpərvər ruhda yazılmış mahnılarım var. – Tamaşaçı sevgisinin
həyatınızdakı rolu nədən ibarətdir?
– Mən hər zaman konsertlərə, efirlərə çıxanda ilk növbədə qarşımda
tamaşaçıları görürəm. Hər hansı bir addımı atmamışdan öncə çox düşünürəm. Çünki
efirə çıxanda bilirəm ki, mənə müxtəlif təbəqələrdən olan insanlar baxır. Hər
hansı bir ifadəni düzgün işlətməsəm, pərişan olaram. Mənim üçün tamaşaçı çox
önəmlidir. Ona görə, hər zaman onları düşünürəm, fikirləşirəm ki, onları
sevindirim, onların zövqünü oxşayan mahnılar oxuyum.– Uzun müddətdir ki, ailəlisiniz. Evdə həyat yoldaşınızla hansı dildə
danışırsınız?
Yoldaşım Azərbaycan dilində
bir az bilir. Ancaq övladlarımın üçü də Azərbaycan dilində sərbəst danışırlar.
Onlar mənimlə, anamla və bacımla Azərbaycan dilində danışırlar, yoldaşımla isə
ingilis dilində danışırlar.– Bildiyimə görə, həyat yoldaşınız muğamlarımızı sevərək dinləyir, hətta
muğam ifaçılarımızın bir neçəsi ilə ailəvi dostluq edir.
– Bülbülün, Şövkət
Ələkbərovanın, Zaur Rzayevin, Aybəniz Haşımovanın səsini çox sevir, maşınında
bu müğənnilərin mahnılarını, Habil Əliyevin ifalarını dinləyir. – Həyat yoldaşınız evdə hansı
işlərdə sizə kömək edir?
– O, mənə evdə hər işdə köməklik edir, uşaqlara baxır, dərslərini
hazırlamaqda köməklik edir, vaxtı olanda dadlı yeməklər bişirir. Milad
bayramında yeməkləri hər zaman o bişirir. Çox gözəl əl qabiliyyəti var. Mən də
arada bir mətbəxə keçirəm. Ancaq anam bizimlə yaşadığı üçün yeməkləri əsəsən o
bişirir. – Başqa millətlə evli olmaq sizə problem yaratmır ki?
– Xeyr, qətiyyən. Mən onun başqa millətdən olduğunu hiss eləmirəm.
Filipp, Azərbaycanı çox sevir, ölkəmizə, onun adət-ənənələrinə, musiqisinə
bağlı bir insandır. Tez-tez deyir ki, Novruz bayramını səbirsizliklə gözləyirəm
ki, şəkərbura, paxlava yeyim. İstəməsəydi, iyirmi il Azərbaycanda qalmazdı. – Övladlarınızı hansı
psixologiyada böyüdürsünüz?
– Azərbaycan psixologiyası ilə böyüyürlər. İngilis dilli məktəbdə
təhsil alsalar da, düşüncələri bizimki kimidir. – Klassik mahnıların ifaçısı
kimi tanınan Fidan Hacıyeva hərdən muğama da müraciət edir.
– Məmməd Arazın sözlərinə yazılmış çox gözəl bir mahnı var "Dağlar
küsüb məndən”, onu ifa etmişəm. Hətta bu mahnıya klip də çəkdirmişəm. Mənsum
İbrahimovdan xahiş etdim ki, bu mahnını muğam üstündə oxumağım üçün mənə köməklik
etsin. Atam mühəndis olmasına baxmayaraq, musiqiyə, muğamlarımıza bağlı bir
insan idi. Mən gözümü açandan atamı pianoda muğamlarımızı ifa edən görmüşəm.
Ona görə də mən də muğamlarımızı pianoda ifa edə bilirəm. Anam evdar qadın olsa
da, çox gözəl səsi var. Mənə də bu səs yəqin ki, anamdan keçib. – 2018-ci ilin son günlərini
yaşayırıq. Bu il yadınızda necə qaldı?
– Şəxsi konsertlərimlə yanaşı, məktəbimizin tələbələri ilə birlikdə
verdiyim konsertlər oldu. Bu ayın sonunda Belarusda keçiriləcək opera forumunda
iştirak edəcək, dünyanın ən böyük opera müğənniləri ilə eyni səhnəni
paylaşacağam. – 2019-cu ildən nələr
gözləyirsiniz?
– Aprel ayında yenidən "Karmen”ə müraciət edəcəyəm. Ancaq bu dəfə
"Karmen”i tələbələrimlə birlikdə Opera və Balet Teatrında ifa edəcəyik. May
ayında isə konsertim olacaq, çox maraqlı bir layihə ilə sevənlərimin qarşısına
çıxacağam. Söhbətləşdi: İntizar İsmayıl