“Messi ilə fəxr edirik, amma Ronaldo vəhşidir, üstəlik, cadugərdir”
Argentina
futbolunun əfsanəsi Dieqo Maradona "Yuventus”un futbolçusu Kriştiano Ronaldo
barədə danışıb.
Kaspi.az xəbər
verir ki, Ronaldonun ÇL-in 1/8 finalında "Atletiko” ilə cavab qarşılaşmasında
göstərdiyi oyun Maradonanı heyrətləndirib.
O, portuqaliyalı haqda danışarkən, həmyerlisi Messini də yada salıb:
"Elə futbolçular
var ki, onlar sehrli çubuğa toxunublar. Bu, həqiqətdir. Biz argentinalılar
Messi ilə fəxr edirik. Sevinirik ki, o, İspaniya yox, Argentina yığmasında
oynaytır.
Ancaq Ronaldo vəhşidir,
təmiz gücdür, üstəlik, cadugərdir. Demişdi ki, 3 qol vuracağam. Dedi və yerinə
də yetirdi”.
"Yuventus” ilk
oyunda 0:2 hesabı ilə məğlub olduğu "Atletiko”nu Ronaldonun het-triki sayəsində
3:0 hesabı ilə qalib gələrək, növbəti mərhələyə adlayıb.