Bakı limanından dünya brendlərinin avtomobillərinin daşınmasına başlanılıb

760 11 iyul 2022 | 19:00

Bakı Beynəlxalq Dəniz Ticarət Limanı logistika şirkətlərinə müasir xidmətlər və avtomobillərin avtomobil, dəmir yolu və dəniz nəqliyyatı ilə daşınması imkanlarını təklif edir.

Bu barədə Kaspi.az-a Bakı limanının mətbuat xidmətindən məlumat verilib.

Hollandiyanın Cabooter Group şirkəti Bakı limanı və Port Bonded Services MMC ilə əməkdaşlıq edərək Mercedes Benz və BMW kimi məşhur brendlərin avtomobillərini Avropa bazarından Asiyadakı istehlakçılara Bakı limanı vasitəsilə çatdırmağa başlayıb.

Transxəzər Beynəlxalq Nəqliyyat Marşrutunun (Orta Dəhliz) qlobal logistikada rolu artır və yeni inkişaf mərhələsinə qədəm qoyur. Bakı Limanı Asiya və Avropanı birləşdirən və regional əlaqəni yaxşılaşdıran mühüm multimodal logistika mərkəzinə çevrilir.