Şәrlәyin alman polisini dә
Müsavat Partiyasının mühacir
rüsvayçılığıyla bağlı dəhşətli faktlar
Azərbaycanı müxtəlif bəhanələrlə tərk edib
Avropaya sığınanların bəzisi sonradan özlərini "müxalifətçi”, "siyasi mühacir”,
"jurnalist”, "demokrat” kimi qələmə verərək ölkəmiz əleyhinə təbliğatla məşğul
olublar. Onların şübhəli sənədlərlə, müxalifət partiyalarının saxta arayışları
ilə xaricdə oturum izni almaları dəfələrlə müzakirə mövzusu olub. Çünki, dünənə
qədər heç bir siyasi fəaliyyəti olmayan, ictimai-siyasi proseslərə dair hər
hansı fikrinə rast gəlmədiyimiz, varlığından belə xəbərdar olmadığımız biri
qəfil Avropada peyda olur, radikal çıxışlar edirdi. Azərbaycanın beynəlxalq
imicinə ləkə yaxmaq üçün dəridən-qabıqdan çıxan, söyüş çetesi, iaşə müxalifəti kimi
ad qazanan, ölkə başçısına və dövlətə sadiq məmurlara qarşı qarayaxma
kampaniyası aparan bu şəxslərin ermənipərəst dairələrin təsiri altında olması
da heç kimdə şübhə doğurmurdu.
Bu günlərdə Avropa
polisinin keçirdiyi əməliyyat "özümüzünkülər” barədə maraqlı məqamların gün
işığına çıxmasına səbəb olub. Belə ki, Almaniyanın hüquq-mühafizə orqanları
Azərbaycanın müxalifət partiyasının keçmiş üzvlərini saxlayıb. Yayılan məlumata
görə, cinayətkar şəbəkəyə daxil olan 7 nəfər həbs edilib. Məlum olub ki, həbs
edilənlər Almaniyada "miqrant alveri" ilə məşğul olmaqda, o cümlədən
3-10 min avro arası ödəmə qarşılığında ən azı 20 nəfəri qaçaq yollarla
Almaniyaya aparmaqda şübhəli bilinirlər. Cinayətkar dəstənin saxlanılan üzvləri
barəsində yerli federal məhkəmələr tərəfindən 6 ay müddətinə həbs qətimkan
tədbiri seçilib. Onlar Ədliyyə Nazirliyi Penitensiar Xidmətinin 9 və 14 saylı
məntəqə tipli cəzaçəkmə müəssisələrinin sabiq rəisi Elçin Əkbərov, Müsavat
Partiyası Avropa Koordinasiya Mərkəzinin (Müsavat AKM) sədri, Kəlbəcər
rayonunun sabiq icra başçısı İlham Həsən, Müsavat Partiyasının üzvü, Müsavat
AKM sədrinin müavini Mehdi Xəlilbəyli, Müsavat AKM-in üzvü Abdin Cavadov,
"Leqat” inteqrasiya mərkəzinin rəhbəri, sabiq polis rəisi Əlövsət Əliyev,
Mehdi Xəlilbəylinin sürücüsü Rəşad Məmmədov, Müsavat Partiyasının üzvü Elşən
Abdullayevdir.
Bundan başqa, Azərbaycanlı
mühacir Rəfail Priyev də Fransada saxlanılıb. Bir neçə il əvvəl Azərbaycandan
Almaniyaya gedərək bu ölkədən sığınacaq istəyən R.Priyevin barəsində Berlin
Əyalət Məhkəməsinin qərarı ilə deportasiya qərarı çıxarılıb. R.Priyev Almaniya
Federal Daxili İşlər Nazirliyinin təqdimatı ilə Fransadakı qaçqın düşərgəsində
saxlanılıb. Azərbaycan vətəndaşının yaxın günlərdə Almaniyaya deportasiya
edilməsi gözlənilir.
Almaniya polisinin siyasi
mühacir alverində və saxta sənəd hazırlamaqda şübhəli bilinən azərbaycanlıların
saxlaması ilə nəticələnən əməliyyat barədə Almaniya mətbuatında da məlumatlar
dərc olunub."Spiegel” qəzeti yazıb ki, Almaniyanın Federal Polisi qaçaqmalçılığa
qarşı mübarizə tədbirləri çərçivəsində ölkənin altı əyalətində 38 mənzil və
ticarət obyektində axtarış aparıb. Prokuror Osnabrückun adından verilən açıqlamada
tədbirlərin əsasən Şərqi Avropadan qanunsuz yolla gətirilən əcnəbilərə qarşı
aparıldığı bildirilib. Şübhəli şəxslər barəsində həbs qətimkan tədbiri seçilib.
Saxlanılanların Ukraynadan qeyri-qanuni işçilər cəlb etdiyi vurğulanıb. Qəzetin
yazdığına görə, 180 federal polisin Şimali Reyn-Vestfaliya və Hesse
bölgələrində apardıqları axtarışlar nəticəsində məlum olub ki, Azərbaycandan da
bir neçə dəstə burada qanunsuz yerləşdirilib. Köln, Düsseldorf, Frankfurt Main
və Visbadendəki 13 obyektdə axtarış aparılıb və həbslər olub. Dəstənin
Azərbaycandan ən azı 20 nəfəri qanunsuz olaraq Almaniyaya gətirdiyi, bunun
müqabilində hər birindən 3000-10000 avro aldıqları qeyd olunur. Federal polisin
tədqiqata bu ilin iyun ayından başladığı xəbər verilir.
Bu əməliyyat barədə
Avropada mühacir həyatı yaşayanların özləri də sosial şəbəkədə məlumat
paylaşıblar. Jurnalist Yafəz Əkrəmoğluda paylaşdığı statusda bildirib ki, federal polis Azәrbaycandan Almaniyaya
mühacir daşıyan dəstəni ifşa edib vә bu işlә bağlı xeyli azәrbaycanlının evindә
vә ofisindә axtarış edib, bir neçә nәfәr hәbs olunub: "Evlәrdә vә
ofislәrdә axtarış Koblenç prokurorluğun sanksiyası әsasında hәyata keçirilib.
Sanksiyada insan alveri ilә bağlı açılmış bir cinayәt işindә tәqsirlәndirilәn
Azәrbaycan vәtәndaşlarının soyadları göstәrilir (ad göstәrilmir). Bunlar
Xәlilbәyli, Hәsәn (soyaddır), Cavadov vә başqalarıdır. Cinayәt işinә әsaslanmış
sanksiyadakı mәlumatların qısaldılmış forması belәdir: Azәrbaycan vәtәndaşı,
tәqsirlәndirilәn şәxs, Xәlilbәyli әn azı 2015-ci ildәn bәri pul müqabilindә,
saxta sәnәdlәrlә Azәrbaycandan Almaniyaya qaçaq adamlar daşıyıb. Onların indiyә
kimi mәlum olan sayı 60 nәfәrdir. Xәlilbәyli minlәrlә avro qarşılığında onlara
saxta siyasi mühacir sәnәdlәri dә verib. Güya hәmin şәxslәr siyasi sәbәblәrdәn
Azәrbaycanda tәqib olunurmuşlar”.
Jurnalist bildirib ki,
Xәlilbәyli soyadlı şəxs Avropaya gәtirdiyi adamlara özünü Almaniyada sözükeçәn
biri kimi tәqdim edib: "Xәlilbәyli qaçaq yolla gәtirdiyi adamlara mühacir işi
ilә bağlı necә davranmaları ilә bağlı tәlimatlar verib. Bundan әlavә, o,
qurbanlarının әlindәn hәqiqi sәnәdlәrini alıb. O, hәmin şәxslәrin guya
Azәrbaycanda siyasi sәbәbdәn izlәnmәlәri ilә bağlı saxta sәnәdlәri
tәqsirlәndirilәn şәxs Hәsәn (soyaddır - İlham Hәsәn ola bilәr) vә
tәqsirlәndirilәn Cavadovun vasitәsi ilә әldә edib. İndiyә kimi әn az 50 bu cür
iş görülüb vә bu yolla 300.000 avrodan çox pul әldә olunub. Tәqsirlәndirilәn
şәxs Hәsәn әn az 7 dәfә dolu paketdә Xәlilbəyliyә saxta sәnәdlәr göndәrib”.
Yafəz Əkrəmoğlu başqa bir
statusunda baş verənlərə bu cür münasibət bildirib: "Yәqin ki, indi dә yeni bir
sitat ortaya atacaqlar: "Bütün hallarda mübarizә Müsavatla Alman hökumәti
arasında gedir" zad. Bu gün alman polisinin ifşa etdiklәrini mәn iki il
әvvәl daha detallı şәkildә Müsavat Partiyası rәhbәrliyinә faktlarla, sәnәdlәrlә
tәqdim etmişdim. Partiyadakı vicdanlı insanlar buna dәrhal reaksiya verdi, Arif
Hacılı vә әtrafından hesabat tәlәb olundu. Tәbii ki, üzәrimizә gәldilәr. O
vaxtlar partiya qәrargahının "ali kabinet"indә mәsәlәdәn çıxış yolu
kimibizlәr "hökumәtin adamı" elan olunduq. Partiya üzvlәrinә
deyәcәk söz, verilәcәk cavab yox idi axı. Әn gözәl çıxış yolu hәqiqәti
deyәnlәri damğalamaq idi. O vaxtlar biz Müsavatda arayış mәsәlәsi ilә bağlı
istәr qapalı qrupda, istәr açıqda yazanda, Arif Hacılınln trolları statusların
altın İsa Qәmbәrin daxili rәqiblәrinә hesablanmış bu mәşhur sitatını
paylaşırdılar: "İstәnilәn halda mübarizә Müsavatla hakimiyyәt arasında
gedir". İndi sitatı dәyişmәnin zamanıdır. Şәrlәyin alman polisini dә.
Deyin ki, İlham Әliyevә işlәyirlәr”.
Başqa
bir jurnalist İlqar Vəliyev bildirib ki, qeyd olunanlar təsdiqini tapsa,
Müsavat Partiyasının indiki rəhbərliyi istefa verməlidir: "İllərdir
həyasızcasına üzə durub dirəşirdilər ki, bəs Mehdi AKM-də hüzr edəcək, bizə şər
atmayın. Siyasi mühacir alveri ilə Almaniyadakı bir çox siyasi təşkilatlar məşğul
olur. Onlara da növbə çatacaq”.
Vaxtilə
Müsavat Partiyasının ictimaiyyətlə əlaqələrinə məsul olan Elman Fəttah yazıb ki,
indi həbs olunduqları deyilənlərin və hələ adı çəkilməyənlərin də aid olduğu
dəstənin "fake” siyasi mühacir işi ilə əlaqəli olduqlarından çoxdan şübhəli
olublar: "Partiya rəhbərliyində təmsil olunduğum vaxt bu mühacir
rüsvayçılığının davasını çox apardım. Heç nəyə nail ola bilmədiyimi anladığımda
isə müavinlikdən istefa verdim. Anlaşılan hər şey gün üzünə çıxmağa başlayır”.
Müsavat
başqanlığına keçmiş namizəd Yadigar Sadıqlı son iki ildə azsaylı
həmfikirləri ilə birlikdə partiya daxilində apardığı mübarizənin çox ağır
olduğunu qeyd edib. Bildirib ki, hakimiyyətə qarşı 19 illik mübarizə heç bu
qədər ağır olmayıb: "Bu iki ildə baş verənlər mənəvi cəhətdən daha ağır idi. İllərlə
çiyin-çiyinə mübarizə apardığın insanların eyhamına, şərinə, böhtanına,
təhqirinə dözmək çox ağır idi. Hökumətdən mən şəxsən bu qədər böhtan və təhqir
eşitməmişəm. Halbuki özümüz üçün heç nə istəmirdik. Bu gün baş verənləri sadəcə
ehtimal edirdik və qarşısını almağa çalışırdıq. Bütün istədiyimiz Müsavat üçün
idi, bütün təlaşımız Müsavatın adına, nüfuzuna görə idi. Hər nəyə əlimizi
yelləyib sakit dura bilərdik. Amma məzarları Fransadan Sibirə qədər bütün
Avrasiya materikinə səpələnən o əski müsavatçıların ruhu qarşısında duyduğumuz
məsuliyyət imkan vermirdi. İçimi dağıdırdı o məsuliyyət. Çox təəssüf ki,
bacarmadım”.
Türkiyədə
yaşayan Müsavat üzvü Könül Şamilqızı Almaniya polisinin
saxladığı müsavatçı dələduzlara görə "pis” olduğunu yazıb. Qeyd edib ki, onun
kimi müsavatçıları bu alverçilər üzündən "daxili düşmən” elan ediblər: "2017-ci
ilin əvvəlindən başlayaraq bu biabırçılığı Müsavat daxilində dilə gətirib
etiraz edən, şəffaflıq, hesabatlılıq tələb edən hər kəs düşmən elan edildi,
damğalandı, aşağılandı başında "rəhbər”lərin durduğu qaragüruh tərəfindən. Həyatımız,
mübarizəmiz, illərimiz, bütün səmimi inanclarımız və düşüncələrimiz məhz bu
dəllallardan hesabat istədiyimiz üçün yox sayıldı, əməyimiz bunlar üzündən itirildi.
Bu alverçilərin elədiklərini eşitdiyim, sonra davranışlarını qrupda gördüyüm
ilk günlərdə demişdim: mən bu biabırçılığa ortaq olmayacam - nəyə başa gəlirsə
gəlsin. Bu, mənim Müsavata, Rəsulzadəyə borcum idi. Çox şükür, həqiqət
parıldayır və biz utanası tərəfdə deyilik! Üzülürəmmi? Bu adamlar və məhz bu
alverçiləri "fədakar”, bizi "düşmən” adlandıranlar adına zərrə qədər üzülmürəm.
Amma Müsavat adına çox, çox, çox üzgünəm”.
Rufik
İSMAYILOV