Münaqişə olub?
"Napoli” ilə
oyundan sonra "Yuventus”un paltardəyişmə otağında futbolçular arasında münaqişə
yaşandığı barədə məlumat yayılıb.
Kaspi.az xəbər
verir ki, "Yuventus”un kapitanı Canluici Buffon məsələ ilə bağlı açıqlama
verib. O, yayılan məlumatın təxribat xarakterli dedi-qodu olduğunu bildirib:
"Bu, düşünülmüş
dedi-qodudur. Belə dedi-qoduları komandaya təsir etmək üçün yayırlar.
"Yuventus” Axillas dabanı” olmayan komandadır. Belə məlumatların mən klubda
olduğum ilk gündən yayıldığını müşahidə edirəm.
Kimsə sabitliyi
pozmağa, komandadakı inam və etibarı sarsıtmağa cəhd göstərir. "Yuventus”da məğlubiyyətə
görə nəinki kiməsə barmaq silkələmək, ümumiyyətlə kimisə günahlandırmaq mümkün
deyil. Nə qədər ki, mən bu klubda kapitanam, heç vaxt belə hal yaşana bilməz”.