Bakı 14°C
Luçeskunu Lobanovski haqda dediklərinə görə peşman etdilər
Türkiyə
yığmasının sabiq baş məşqçisi Mirça Luçesku Ukraynanın mərhum məşqçisi Valeri
Labanovski haqda dediyi sözlərə görə üzr istəyib.
Kaspi.az xəbər
verir ki, Luçesku Lobanovskinin "France Football”ın ən yaxşı məşqçilər
siyahısında yer almasının düzgün olmadığını demişdi. Onun bu fikirləri kəskin
etiraza səbəb olduğu üçün Luçesku üzr istəməyə məcbur olub:
"Belə alındığına
görə təəssüf edirəm və üzr istəyirəm. Sözlərimin bu cür ajiotaj doğuracağını
gözləmirdim. Mən yaxşı başa düşürəm ki, Lobanovski möhtəşəm məşqçi olub.
O, vacib mütəxəssis
idi. Çünki sistem qurmuşdu. Həmin vaxtın "Dinamo”su məhz sistem komandası idi.
Mənim dediklərim səhv idi.
Mən həqiqətən də
onun reytinq siyahısındakı yerinə görə təəccüblənmişdim. Amma sonradan onun neçə
böyük mütəxəssis olduğunu anladım. Onunla Ukrayna çempionatında üz-üzə gəlmədiyim
üçün təəssüflənirəm”.
