AZƏRBAYCANDA KORONAVIRUSLA BAĞLI XƏBƏRLƏR

Kəhrizlərin monitorinqi aparılır

Kəhrizlərin monitorinqi aparılır

Cəmiyyət
16 Oktyabr 2016, 10:45 549
Azərbaycanda kəhrizlərin monitorinqinin aparılması məqsədilə ekspedisiya təşkil olunub. Bekə ki, AMEA-dan Trend-ə verilən məlumata görə, 2015-ci il aprel ayının 22-də AMEA ilə "Azərsu” Açıq Səhmdar Cəmiyyəti arasında "Elm və innovasiyaların tətbiqi sahəsində birgə fəaliyyətə dair” niyyət sazişi imzalanıb. Sazişə əsasən, ölkə ərazisində yayılmış kəhrizlərdən içməli su və təsərrüfat məqsədi ilə istifadə vəziyyəti, sıradan çıxmış kəhrizlərin gələcəkdə bərpası, həmçinin bu su mənbələrindən səmərəli istifadə etmək üçün 2016-cı ilin iyul-avqust aylarında Qazax, Ağstafa, Tovuz, Şəmkir, Gəncə, Göygöl, Samux, Goranboy, Bərdə, Ağdam və digər rayonların ərazisində vaxtı ilə fəaliyyətdə olan, sonradan unudulmuş kəhrizlərin çöl tədqiqatı əsasında monitorinqi həyata keçirilib.
Monitorinq hər iki qurumun mütəxəssisləri tərəfindən aparılıb. Tədqiqat işinə Torpaqşünaslıq və Aqrokimya İnstitutunun direktoru, a.e.d., prof. Əlövsət Quliyev rəhbərlik edib.
Hazırda ekspedisiya zamanı əldə edilmiş tədqiqat materiallarının təhlili aparılır. Yaxın günlərdə isə tədqiqatların yekun nəticələri barədə ətraflı məlumat veriləcək.