İtaliyada daha bir klub satıldı
İtaliyanın "Cenoa” klubu satılıb.
Kaspi.az xəbər verir ki, bu barədə məlumatı klubun sahibi və
prezidenti Enriko Pretsiozi verib. O, klubu kimlərə və neçəyə satdığı barədə
məlumat verməyib:
"Mən klubu satmışam. Rəsmi sənədlərə mövsümün əvvəlində imza
atılacaq. Növbəti müsahibə zamanı "Cenoa”nın prezidenti olmayacağam”.
Pretsiozi "Cenoa”nı 2003-cü ildə almışdı. O, komandanı alarkən, klub
müflis həddində idi. "Cenoa” ötən mövsüm A seriyasında 16-cı yeri tutub.
Mövsümün başa çatandan sonra klubun sahibi futbolçuları kütləvi
surətdə satmağa başlamışdı ki, bu da fanatların etirazına səbəb olmuşdu.