FİFA Blatterin DÇ-2018-də peyda olmasını “nəzərətə götürüb”
FİFA-nın sabiq
prezidenti Jozef Blatter DÇ-2018-in oyununda görünüb.
Kaspi.az xəbər
verir ki, 82 yaşlı Blatter Portuqaliya -Mərakeş oyununa baxıb. O, Rusiya
prezidenti Vladimir Putinin dəvəti ilə mundiala təşrif buyurub.
Ancaq cəzaya məruz
qalan Blatterin bu formada futbol oyununa baxması qadağandır. Məsələ ilə bağlı
FİFA-nın açıqlaması isə belə olub:
"FİFA cənab
Blatterin Rusiyaya gəlişini nəzarətə götürüb. Məsələ ilə bağlı indiki məqamda əlavə
şərhimiz yoxdur”.
Blatter
FİFA-dakı korrupsiya əməliyyatından sonra 8 il müddətinə futboldan
uzaqlaşdırılıb. Sonradan apellyasiya komitəsi bu cəzanı 6 ilə endirib. Cəzanı nəzərə
alsaq, Blatter futbol oyunlarına ancaq sadə azarkeş kimi baxa bilər.