Ən yaxşı komanda VAR-ın səhvinə görə uduzdu - Mourinyo
"Mançester
Yunayted”in baş məşqçisi Joze Mourinyo DÇ-2018-in finalı barədə danışıb.
Kaspi.az xəbər
verir ki, Mourinyo Fransanın mundial boyu yaxşı çıxış etdiyini bildirib. Ancaq
o, DÇ-nin ən yaxşı komandasının Xorvatiya olduğunu bildirib və onların qapısına
təyin olunan penaltinin yanlış olduğunu vurğulayıb:
"Fransızlar əla
turnir keçirdilər. Onlar finala qədər yaxşı təsir bağışladılar. Bu gün də qalib
gəldilər. İndi yalnız onları təbrik etmək qalır.
Xorvatlar isə məyusdurlar.
Çünki mundialın ən yaxşı komandası VAR sisteminə görə uduzdu. Hesab edirəm ki,
sistem səhvə yol verdi, orda penalti yox idi.
Hakim bu
sistemin xidmətindən müstəsna hallarda istifadə etməlidir. Penalti epizodunda
isə belə hal yox idi”.