Əfsanəvi futbolçunun rekordunu qırdı
İngiltərə Premyer Liqasının 6-cı turunda "Arsenal” "Vest Bromviç”ə
2:0 hesabı ilə qalib gəlib.
Kaspi.az xəbər verir ki, bu qarşılaşmada Premyer Liqanın yeni rekordu
da müəyyənləşib. Rekord göstəricini isə "Vest Bromviç”in kapitanı Qaret Barri
müəyyənləşdirib.
Barri "Arsenal”la oyunda Premyer Liqada 633-cü oyununu keçirib. O,
"Mançester Yunayted”in əfsanəvi futbolçusu Rayan Giqqzin göstəricisini
təzələyib. Giqqz 632 oyun keçirib.
Barri "Vest Bromviç”ə 2017-ci ilin yayında keçib. Buna qədər isə o,
"Aston Villa”nın (1998-2009), "Mançester Siti”nin (2009-2013) və "Everton”un
(2013-2017) şərəfini qoruyub.