“Bavariya” onu 150 milyona da satmayacaq
"Bavariya”nın
idarə heyətinin sədri Karl-Haynts Rummenigge Robert Levandovski ilə bağlı
yayılan transfer xəbərlərinə münasibət bildirib.
Kaspi.az xəbər
verir ki, Rummenigge Levandovskinin komandada qalacağını deyib. O, polyak
hücumçunu, hətta ən sərfəli təklif alacaqları halda belə, satmayacaqlarını
vurğulayıb:
"Levandovski ilə
bağlı məsələdə insanlara olduqca dəqiq məlumat vermək istəyirik. Robert
satılmır. Hətta çox yaxşı təklif alsaq belə, onu satmaq niyyətimiz yoxdur.
Biz qapıları
açmırıq. Klubda Robertin oyunundan razıdırlar. Bizim onunla ayrılmaq niyyətimiz
yoxdur. Hətta 150 milyon təklif etsələr də, satılmayacaq. Levandovski
"Bavariya”da qalacaq”.