Bakı 12°C
Azərbaycan yığmasının sabiq baş məşqçisi həbs edildi
Cüdo üzrə Azərbaycan yığmasının sabiq baş məşqçisi Peter Zayzenbaher
həbs edilib.
Kaspi.az xəbər verir ki, Zayzenbaher Kiyevdə saxlanılıb. O, Vyana
məhkəməsinin çıxardığı qərara əsasən axtarışa verilmişdi. İkiqat olimpiya
çempionu olan Peter həddi-buluğa çatmamış bir neçə qıza qarşı seksual
xarakterli cinayətlərin törədilməsində ittiham olunur.
2016-cı ilin oktyabrın əvvəllərində Vyana prokurorluğu onun
qurbanlarından birinin ərizəsinə əsasən başlanmış üçillik araşdırmanın
nəticələrinə görə, keçmiş idmançıya qarşı ittiham irəli sürüb. 56 yaşlı
avstriyalı 1990-cı illərin sonlarında və 2000-ci illərin başlanğıcında - Vyana
idman klublarından birində işlədiyi dövrdə iki qızın zorlanmasında ittiham olunur.
Zayzenbaher 10 ilə qədər həbs cəzası ala bilər.
O, Azərbaycan yığmasına ilk dəfə 2012-ci ildə rəhbərlik etməyə
başlayıb. Amma 2014-cü ildə Zayzenbaher öz postunu tərk edib.
Rövnəq Abdullayev Cüdo Federasiyasının prezidenti seçildikdən sonra -
2015-ci ildə Zayzenbaheri yenidən Azərbaycana dəvət etmişdi.
O, axtarışa verildikdən sonra Azərbaycanı tərk etmişdi.
