Avstraliya yığmasını Rusiyaya hollandiyalı aparacaq
Avstraliya yığmasının yeni baş məşqçisi məlum olub.
Kaspi.az xəbər verir ki, yığmanın "sükanı” məşhur hollandiyalı
mütəxəssis Bert van Marveykə tapşırılıb. Onunla qısamüddətli müqavilə bağlanıb.
Mütəxəssis yığmanı Rusiyada keçiriləcək mundiala hazırlayacaq. Avstraliya
Futbol Federasiyası məsələ ilə bağlı açıqlama yayıb:
"Bu, Avstraliya yığması üçün əla seçimdir. Marveyk yüksək səviyyəli
mütəxəssisdir. O, Hollandiya yığmasını DÇ-2010-un finalına çıxarıb, Səudiyyə
Ərəbistanı ilə də uğur qazanıb. Yığmamız onun rəhbərliyi altında yüksək nəticə
əldə edə bilər”.
DÇ-2018-in final mərhələsində
Avstraliya yığması Fransa, Danimarka və Peru ilə bir qrupda yer alıb.