Almaniya Uels klubuna xəbərdarlıq etdi
Almaniya yığması
İngiltərə kubokunun 4-cü mərhələsində "Mançester Siti” ilə qarşılaşan "Kardiff
Siti”yə xəbərdarlıq edib.
Kaspi.az xəbər
verir ki, xəbərdarlıq yığmanın "Tvitter” səhifəsində yazılıb. Almanlar yığma
üzvlərinin zədələnmək ehtimalını nəzərə alaraq, bu xəbərdarlığı ediblər.
"Kardiff”lə
oyunda "Siti”nin futbolçusu, Almaniya yığmasının üzvü Leroy Sane zədələnib. İlk
hissədə "Kardiff”in futbolçusu Co Benetta Saneyə qarşı sərt sürüşmə fəndi edib.
Futbolçu ikinci hissədə meydana çıxmayıb. Bu da Almaniya yığmasını narahat
edib. Onlar bu xəbərdarlıqla digər komandalara da mesaj göndərmiş olublar:
"Ey, "Kardiff
Siti”! Sizə bildirmək istəyirik ki, yayda bizim çox vacib turnirimiz olacaq.
Xahiş edirik, bizim futbolçuları zədələməyin. Sağ olun”.
"Siti” "Kardiff”ə
2:0 hesabı ilə qalib gələrək, 1/8 finala adlayıb. "Kardiff” Uels təmsilçisidir.