Qəbirqazan olmaq istəmir

İtaliya Futbol Federasiyasının prezidenti Qabriel Qravin A seriyasının nə vaxt bərpa oluna biləcəyi ilə bağlı danışıb.

Kaspi.az xəbər verir ki, prezident pauzanın çox çəkməsindən narahat olduğunu deyib. O, iyunda çempionatın bərpa olunacağına inandığını vurğulayıb:

"Mən İtaliya futbolunun qəbirqazanı olmaq istəmirəm. Mənim borcum futbolu müdafiə etmək, qorumaqdır.

Biz A seriyasının dayanmasına görə narahat deyilik, sadəcə, fasilənin uzun çəkməsinə görə narahatıq.

Mən iyun deyirəm. Ümid edirəm ki, iyunda çempionat bərpa ediləcək və İtaliya yenidən futboldan zövq alacaq”.