AZƏRBAYCANDA KORONAVIRUSLA BAĞLI XƏBƏRLƏR

Parakarate komandamız ümumi hesabda üçüncü pillədədir

Parakarate komandamız ümumi hesabda üçüncü pillədədir

İdman
23 May 2021, 11:15 423
Xorvatiyanın Poreç şəhərində parakarate üzrə Avropa çempionatı davam edir.
AZƏRTAC xəbər verir ki, çempionatda 1 qızıl, 2 bürünc medal qazanan parakarate üzrə milli komandamız ümumi hesabda qitə çempionatının 3-cü pilləsində yer alır. İspaniya parakarateçiləri 3 qızıl, 1 gümüş medalla birinci, aktivində 1 qızıl, 1 gümüş medal olan Macarıstan yığması isə ikinci sıradadır.
Qeyd edək ki, komandamızın aktivinə qızıl medalı millimizin üzvü Emliya Mitlinova yazdırıb. Bürünc medalları isə yığmamızın üzvləri Sahib Əhədov və Eldar Əhmədov qazanıblar.
Parakarate üzrə Avropa çempionatında 5 idmançımız mübarizə aparır. Qitə çempionatına mayın 23-də yekun vurulacaq.