Bakı 20°C
Karantin dövründə səyahət: evdən çıxmadan səyahətçi olmağın ən asan yolları - Texno-məsləhət
Əlbəttə ki, virtual səyahətlər əsl səyahəti əvəz edə
bilməz. Ancaq pandemiya dövründə virtual səyahət, istənilən vaxt dünyanı pulsuz
görmək imkanı verir.
"Google”in
Foto Turları –
"Google Xəritə”də küçə görünüşü ilə artıq heç kəsi təəccübləndirmək mümkün deyil.
Lakin bu layihənin iştirakçıları sırf küçəni çəkməkdən əlavə, foto turlar və
bütövlükdə, virtual səyahətlər yaradırlar. Foto turlar Tac Mahalın yaxınlığında
gəzmək, Burc Xəlifənin 800 metrlik göydələnindən Dubaya və ya Eyfel Qülləsinin
hər üç baxış platformasından Parisə baxmaq imkanı verir. https://www.google.com/streetview/
Virtual
muzeylər - Digər
bir "Google” layihəsi incəsənətə həsr edilib. Elə adı da İncəsənət Layihəsidir.
Bu təvazökar adın arxasında inanılmaz bir ekspozisiya yerləşir - dünyanın ən
yaxşı muzeylərindən on minlərlə rəsm əsəri.
Bəzi muzeylər, hətta yalnız ekspozisiyalarını deyil, həm də binaları
lentə almağa icazə verdilər. İndi Venesiyadakı Doge Sarayının salonlarında
kreslonuzdan qalxmadan gəzə və ya Afina Akropolu Muzeyini ziyarət edə bilərsiniz. https://artsandculture.google.com/
Beynəlxalq
Kosmik Stansiya (BKS) üzərində veb-kamera: "Curiosity” vasitəsilə çəkilən Mars salnamələri uzun gecikmə ilə Yer kürəsinə gəlir, lakin Beynəlxalq
Kosmik Stansiyadakı veb-kamera, planetin səthindən sanki 400 km məsafədə deyil,
çox yaxın bir yerdə olduğu kimi canlı yayımdadır.http://www.ustream.tv/channel/iss-hdev-payload
Bütün
dünyadakı veb-kameralar:
BKS pəncərəsindən görüntü sizin üçün bir qədər qorxuludursa, daha "yaxında
yerləşən" bir mənzərəyə baxa bilərsiniz. Məsələn, Atlanta zooparkında
pandaları seyr etmək və yaxud, Londonun əfsanəvi Abbey Road kəsişməsində bir
neçə saat gəzə bilərsiniz. www.earthcam.com -da dünyanın hər yerində - Nyu-Yorkdan Banqkokadək
quraşdırılmış veb-kameralar kolleksiyası var.
Aygün Əziz
