Göz zəifliyini aşkarlayacaq yeni metod
İnsan
orqanizminin ən əsas duyğu qabiliyyətlərindən biri olan görmə, uşaq dünyaya gəldikdən
3-4 ay sonra inkişaf etməyə başlayır. Göz, dünyanın gözəlliklərini bizə göstərən,
öyrənmə və qavrama qabiliyyətimizin 85 faizini bəxş edən və beyindən sonra ən
mürəkkəb orqanizmdir. Göz zəifliyinin cavanlaşması, yeni doğulan uşaqların bu çətinliklə
üzləşməsi həyəcan təbili çaldırır. Körpələrin gözlərindəki problemləri göstərmələri,
kömək istəmələri, dərdlərini ifadə etmələri mümkün deyil. Əgər diqqətsiz
valideynsinizsə, körpənizin göz zəifliyini bilməyiniz o qədər də asan olmur. Dərdlərini
ifadə edə bilməmələri uşaqların göz problemlərinin illərlə gizlin qalmasına səbəb
olur.
Texnologiyanın
inkişafı bu problemə də çarə tapmağa çalışır. Qısa zamanda, uşaqların göz zəifliyini
müşahidə edən və xəbərdarlıq edən tətbiq iOS və Android cihazları üçün təqdim
olunacaq. Süni intellekt texnologiyalarından istifadə edən CRADLE adlı tətbiq,
uşaqların gözlərini incələməyə, xəstəliyi araşdırmağa və diaqnoz qoymağa
hesablanıb. Tətbiq ondan ibarətdir ki, oxşar göz xəstəlikləri olan uşaqları
tanıyacaq və onları fotolardan xəbərdar edəcək. Tətbiqin yaradıcıları bu nəticələrin
tam dəqiq diaqnoz ola bilməyəcəyini də vurğulayırlar. Bununla belə, valideynləri
"potensial” risklər barədə xəbərdar edir və onları oftalmoloqa müraciət etməyə təşviq edir.
Digər tərəfdən,
tətbiqin faydalarından yalnız uşaqlarda deyil, hər yaşda olan insanların göz
problemlərinin diaqnozunda köməkçi kimi istifadə edilə bilər.