Çempionlar Liqası: Bu gün qrup mərhələsi çərçivəsində ikinci turun oyunları keçiriləcək

Bu gün UEFA Çempionlar Liqasında (ÇL) qrup mərhələsinin II turu start götürəcək.

Apasport.az saytının məlumatına görə, ilk oyun günündə E, F, G və H qruplarının görüşləri keçiriləcək.

Günün ən maraqla gözlənilən matçı Dortmundda "Borussiya” ilə Madrid "Real”ı arasında keçiriləcək. İlk turda qələbə qazanaq rəqiblər liderliyi bölüşürlər. Bu mənada, qalib gələn tərəf F qrupunun vahid liderinə çevrilə bilər. Bu qrupun digər qarşılaşmasında "Sportinq” "Legiya”nı sınağa çəkəcək.

"Sevilya” "Lion”u qəbul edəcəyi halda, ”Yuventus” Zaqrebdə "Dinamo”nun qonağı olacaq. Son İngiltərə çempionu "Lester” isə "Porto” ilə münasibətləri ayırd edəcək.