AZƏRBAYCANDA KORONAVIRUSLA BAĞLI XƏBƏRLƏR

Arif Rəhimov: “Formula-1” Azərbaycan Qran-prisində hər zaman gözlənilməzi gözləməlisiniz

Arif Rəhimov: “Formula-1” Azərbaycan Qran-prisində hər zaman gözlənilməzi gözləməlisiniz"

İdman
04 İyun 2021, 10:00 134
"Formula-1” ictimaiyyətini həftəsonu Azərbaycanda qarşılamağa hazır olduğumuzu bildirməkdən olduqca məmnunuq”.
 
Apasport.az saytının məlumatına görə, bunu Bakı Şəhər Halqasının (BŞH) icraçı direktoru Arif Rəhimov deyib.

Yarışla bağlı düşüncələrini bölüşən Rəhimov bildirib ki, sürprizlər qaçılmazdır: "Bu möhtəşəm tədbiri dünyanın dörd bir yanına təqdim etməkdə bizə bütün əzmi, fədakarlığı və sevgisi ilə kömək edən Bakı Şəhər Halqasının bütün kollektivi ilə fəxr edirəm. "Formula-1” bolidlərinin gözəl trekimizdəki gərgin mübarizəsinə şahid olduğumuz sonuncu yarışdan çox vaxt keçib və mən bu həftəsonunda sürücülərin qarşısına hansı sürprizlərin çıxacağını görmək üçün səbirsizlənirəm. Bir şey dəqiqdir: söhbət "Formula-1” Azərbaycan Qran-prisinə gəldikdə, hər zaman gözlənilməzi gözləməlisiniz!”
Qeyd edək ki, "Formula-1” üzrə Azərbaycan Qran-prisi bu gün start götürəcək və 3 gün davam edəcək.