Yayda 225 milyon xərcləyəcəklər
Bu mövsüm
Dortmund "Borussiya”sının kifayət qədər güclənməsi "Bavariya” rəhbərliyini əməli
addımlar atmağa vadar edir.
Kaspi.az xəbər
verir ki, "Bavariya” heyəti kifayət qədər gücləndirməyi planlaşdırır. Ancaq
klub rəhbərliyi bu planını yay transfer pəncərəsi zamanı reallaşdıracaq.
Münhen nəhəngi
heyəti gücləndirmək üçün 225 milyon avroluq büdcə ayıracaq. "Bavariya”nın əsas
transfer siyahısı da bəllidir. Siyahının ilk sıralarında "Atletiko”nun müdafiəçisi
Lyuka Ernandes, "Çelsi”nin yarımmüdafiəçisi Kallum Hadson-Odoi, "Bayer”in
yarımmüdafiəçisi Kay Haverts və "Leyptsiq”in hücumçusu Timo Verner var.
Yayda
"Bavariya”nın iki müdafiəçisindən birini – ya Boatenqi, ya da Hummelsi
buraxacağı da güman olunulur. Münhen nəhəngi turnir cədvəlinin 2-ci pilləsində
qərarlaşıb və Dortmund "Borussiya”sından 6 xal geri qalır.