Vətəninə qayıdır?

Bu yaxınlarda "Mançester Yunayted”dən qovulan Joze Mourinyo karyerasını vətənində davam etdirə bilər.

Kaspi.az xəbər verir ki, Mourinyonun xidmətində "Benfika” maraqlıdır. Lissabon klubunun rəhbərliyi bu yaxınlarda Ruy Vitoriyanı istefaya göndərib.

Məlumata görə, "Benfika” rəhbərliyi Mourinyo ilə təmas qurub. Jozenin bu təklifə münasibəti barədə isə məlumat verilmir.

"Benfika” 15 turdan sonra Portuqaliya çempionatında 4-cü pillədə qərarlaşıb. Komanda lider "Portu”dan 7 xal geri qalır.