Venger gedir, Qvardiolanın “adamı” gəlir
"Arsenal”da Arsen Venger erası başa çatır.
Kaspi.az xəbər verir ki, "Arsenal” rəhbərliyi fransız mütəxəssisin
yerinə namizəd axtarır. Rəhbərlik artıq əsas namizədi də müəyyənləşdirib. Böyük
ehtimalla, Vengerin yerini "Arsenal”ın sabiq futbolçusu Mikel Arteta tutacaq.
35 yaşlı ispan "topçular”ın heyətində 5 il keçirib. İki il isə bu
komandada kapitan olub. O, karyerasını bitirdikdən sonra "Arsenal”da məşqçi
kimi işləmək təklifi alıb, ancaq imtina edib.
Arteta 2016-cı ilin yayında "Mançester Siti”də Xosep Qvardiolanın
məşqçilər korpusuna daxil olub. "Arsenal” rəhbərliyi hesab edir ki, Arteta bu
müddətdə böyük təcrübə toplayıb və uğur qazana bilər.