Useyn Bolt yığmaya çağırılacaq?
Dünya şöhrətli
atlet Useyn Bolt Yamayka yığmasına dəvət ala bilər.
Kaspi.az xəbər
verir ki, bu barədə Yamayka Futbol Federasiyasının prezidenti Maykl Rikets
açıqlama verib. O, Boltun futbol meydanında özünü sübut edəcəyi təqdirdə,
yığmaya çağırılacağını bildirib :
"Təəssüf ki,
Bolt Yamayka yığması ilə müqavilə bağlamadı. Belə olacağı halda, biz onun
oyununu daha yaxından müşahidə edə bilərdik.
Əgər Useyn özünü
futbol meydanında sübut etsə, mütləq Yamayka yığmasına dəvət alacaq. Onun necə
inkişaf etdiyini izləyirik.
Əgər Bolt
Yamayka yığmasında çıxış etsə, stadiona gələn azarkeşlərin də sayında artım
olacaq. Onun inanılmaz sürəti var. Bu sürətə futbol texnikasını da əlavə etsə,
yığmada oynaya bilər. Yəqin ki, futbolçular da onun yığma komandaya gəlişinə
sevinərlər”.
Bolt
Avstraliyanın "Sentral Kost Marines” klubu ilə müqavilə bağlayıb.