“Roma” metrosunda faciə, rus azarkeş ayağını itirdi
Çempionlar
Liqasında keçirilən "Roma” - ÇSKA oyunundan əvvəl faciəvi hadisə yaşanıb.
Kaspi.az xəbər
verir ki, hadisə Roma metrosunda baş verib. Yaranan sıxlıq nəticəsində
eskalatorun əyləc sistemi sıradan çıxıb. Nəticədə 30 nəfər xəsarət alıb.
Xəsarət
alanların əksəriyyəti ÇSKA-nın azarkeşləri olub. Bir neçə fanat xəstəxanaya
yerləşdirilib. Onlardan birinin ayağı amputasiya olunub.
İtaliya mətbuatı
hadisəyə görə rus azarkeşləri günahlandırıb. Ruslar metroya daxil olarkən kütləvi
surətdə eskalatordan tullanmağa başlayıblar.
"Roma” ÇSKA-ya
3:0 hesabı ilə qalib gəlib.