“Real”ın futbolçusu FİFA-nı ittiham etdi
"Real”ın futbolçusu Luka Modriç FİFA-nı kəskin tənqid edib.
Kaspi.az xəbər verir ki, Modriçi narazı salan məqam DÇ-2018-in seçmə
mərhələsinə Kosova ilə təxirə salınmış oyunun səhəri gün keçirilməsi olub.
Modriç FİFA-nı futbolçuların maraqlarını nəzərə almamaqda ittiham edib:
"Şənbə günü bizə dedilər ki, oynamayacağıq. Ona görə də həmişəki
vaxtdan 2-3 saat gec yatdıq. Ancaq səhər orduda olduğu kimi, tezdən oyanmalı
olduq.
Dedilər ki, qarşılaşma davam etdiriləcək. Bizim hazırlaşmaq üçün
vaxtımız qalmamışdı. FİFA növbəti dəfə göstərdi ki, futbolçuların maraqlarını
nəzərə almır”.
Xorvatiya - Kosova oyunu (1:0) güclü yağış səbəbindən təxirə salınmış
və səhəri gün davam etdirilmişdi.