Bakı 23°C
Ranyeri Ronaldonu Maradonaya bənzətdi
"Lester”in sabiq
baş məşqçisi Klaudio Ranyeri maraqlı açıqlama verib.
Kaspi.az.
İtaliya mətbuatına istinadən xəbər verir ki, 67 yaşlı mütəxəssis "Yuventus”un
hücumçusu Kriştiano Ronaldonu Dieqo Maradonaya bənzədib:
"Ronaldonun
"Yuventus”a transfer olunmasını Maradonanın "Napoli”yə keçərək, İtaliya
futbolunun böhrandan çıxmasına kömək etməsinə bənzədirəm. "Yuventus” diqqətçəkən
bir hərəkət etdi və hər klubdan bir addım öndə olduğunu sübut etdi”.
"Milan”ın baş məşqçisi
Cennaro Qattuzoya dəstək olan italiyalı mütəxəssis, komandanın o qədər pis vəziyyətdə
olduğunu düşünmür: "Qattuzo yaxşı işlər görür. Zamana ehtiyacları var”.
Ranyeri, eyni
zamanda, yenidən komanda çalışdırmaq istədiyini də bildirib: "Mənim arzum yenidən
işləməkdir. İtaliya, ya da başqa ölkə olması önəmli deyil, amma İngiltərədə işləməyin
çox ləzzətli olduğunu deməliyəm”.
Ranyeri
"Yuventus”, "İnter”, "Roma”, "Çelsi” kimi komandaların "sükanı” arxasında olub.
