Qrizmannı bu şəklə görə ittiham etdilər
"Atletiko”nun hücumçusu Antuan Qrizmann rasizm hərəkətində ittiham
olunub.
Kaspi.az xəbər verir ki, Antuanın "Tvitter” səhifəsində paylaşdığı
şəkil böyük ajiotaja səbəbə olub. O, qaradərili basketbolçu obrazında olan
şəklini sosial şəbəkədə paylaşıb.
Qrizmann şəkilin altında belə yazıb: "80-ci illər stilində əyləncə”.
Bundan sonra o, rasizmdə ittiham olunub. Futbolçu özünə bəraət
qazanmağa çalışıb və bildirib ki, bu şəkil "Qarlem Qlobtrotters”ə həsr olunub:
"Sakitləşin uşaqlar, mən "Qarlem”in pərəstişkarı olmuşam. Bu da ona
hörmət əlamətidir”.
Ancaq bir müddətdən sonra Qrizmann fotonu silib və üzr istəyib.